大紅袍火鍋料理 (已結業)

今日同一大班朋友黎到呢间期待已久嘅火锅店，当然要试下佢个金屋藏娇汤底啦一个咁抽象嘅汤底究竟里面系有D咩呢?原来有鸡，冬虫草，杞子、红枣、冬瓜等等。剩系睇材料都觉得滋补养颜，饮咗啖汤，有小小鸡油，味带鲜甜淳香，汤里面约有一只鸡份量的鲜鸡件，可以先食。所有火锅配料都非常高质素，例如芝士墨鱼丸咬落爽口弹牙，仲会有芝士爆出黎，要小心烫口。但我重点想讲下极级本地手切肥牛，睇落去肉质明显比较新鲜，脂肪比例唔算太高，即使切得好薄，仍有浓厚的牛肉味，去到一定要试试。