百樂小館 (已結業)

讲起潮州菜，第一时间就会谂起打冷，但其实「家常小菜」式既潮菜馆都一样咁出色。比起打冷，百乐相对坐得比较舒服，而且位于尖沙咀，约一大班人聚餐非常方便。潮式萝卜灌浆。潮州传统小食，非常可口，食落满满萝卜既甜味。黄金炸双枣。圆型系虾枣，后面方型系蟹枣，肉质偏腍，入面有马蹄碎，带点清爽既口感。秘制乳香骨。肉质唔会太干，肉排带住南乳香味，色香味俱全。杏汁白肺汤。猪肺干净无内脏味，汤底亦无味精味，正秋葵炒牛肉。秋葵唔会有太多黏液，牛肉亦好嫩，不过单食味道咸左少少，配饭就刚刚好。皇子乳鸽配凯萨沙律。好特别既配对，食完嫩滑既乳鸽，可以食啖沙律减低油腻感。有朋友发现沙律上加左榄菜，立即令个沙律有潮州风味。沙茶牛肉炒河。牛肉肉腍，沙茶酱份量刚好，唔会过多。清心丸绿豆爽。朋友话绿豆爽工序繁复，亦系潮州出名既甜品，好小地方有得食，见到立即要叫一碗食，清心丸烟轫而绿豆就爽口，非常好食。