佳佳甜品

营业中

休息中

同朋友食完晚餐见到时间尚早，难得相聚，当然要食埋下场—-糖水💙嚟到佐敦揾甜品，正好揾到间中式甜品，立即入去揾位试吓中式甜品！一行五人分到一张圆枱，见到餐牌选项唔系好多，但系经典嘅甜品一定有！咁啱我哋五个都食唔同嘅糖水，咁就五碗都可以试吓味🤣🤣🤣💙黑芝麻糊最传统嘅味道，香味好重，重点系仲有啲颗粒感，唔似出边街即食𠮶啲咁！💙杏仁霜个人唔系太钟意杏仁嘅味道😂😂但系朋友都觉得杏仁霜质地好滑，好顺口，非常润喉💙核桃露同前两款一样，都系好绵、好足料，个人第一次试核桃露，食落有一阵淡淡的花生香💙蛋花马蹄露清热之选，入口有一粒粒嘅马蹄粒，好爽口，蛋花都好绵密💙番薯糖水三旧大大嚿番薯好足料！配上姜汁糖水，好暖胃饱肚餐厅虽然人多亦都好多人排队，但系侍应都唔会话赶你离开还枱💙（食完坐咗一阵，都唔好意思霸人地张枱咁耐）朋友相聚，糖水为伴。