Park café

做运动系为咗食更多嘅嘢，成日在尖东做运动都途经百乐酒店，近期见佢哋推出咗「日和·融美」海鲜自助晚餐，价钱同质素都几吸引架！呢个新主题系以日式fusion 菜为主嘅海鲜buffet,于网上预订自助晚餐，更可享「买一送一」优惠!环境高档，座位之间有距离感，灯光柔和非常舒适。海鲜种类多又新鲜，有面包蟹、长脚蟹、大虾、蚬仔同埋海螺，每位宾客可获赠日式明太子照烧珍宝元贝乙客。中西日式嘅菜式应有尽有，其中推出嘅特色菜式主要有和牛汉堡、黑松露带子茶碗蒸、日式酥皮海鲜批、清酒煮文蛤、明太子海胆酱乌冬、酥皮龙虾汤、猪脚姜、面包蟹蟹脚海鲜冷盘…仲有北京填鸭、烧肉同百乐叉烧，肉质软冧多汁，比目鱼非常高质。甜品部分都相当丰富，有即场整嘅焦糖泡芙雪山、仲有燕窝葡挞同杨枝甘露、差唔多十款瑞士MÖVENPICK雪糕同埋无限供应果汁和啤酒。佢哋仲有生日优惠：每四位或以上惠顾自助晚餐，一位当月的生日之星可免费享用一次，同行宾客可享85折优惠最抵赞嘅系，星期一至四65岁或以上嘅长者可以享受65折优惠，呢个优惠真系超值，等啲老友记都可以食到高质素嘅自助餐。