緣味小聚 (LADDER Dundas)

营业中

休息中

收工约咗朋友出嚟聚一聚，就约咗喺呢间餐厅度食蒸海鲜餐餐厅入面每张枱之间都有一定嘅距离，令到客人可以安心食用我地今日选择食星级大鲍鱼海鲜蒸气锅套餐。落单冇耐就先送一个炖汤，系虫草花炖鸡脚汤，都几足料，而且味道鲜甜。饮完汤，店员就会先上一个海鲜拼盘，包括：鲍鱼、圣子、贵妃蚌、刀贝、龙趸、海虾同花蛤，海鲜整体都几新鲜。虾肉爽口弹牙，鲍鱼够腍，蚬肉冇沙而且啖啖肉，个人特别钟意食圣子，味道特别鲜甜。无限量任食安格斯肥牛，肥牛色泽鲜嫩，充满啖啖油脂感，牛味都几出，唔错食完海鲜，店员就上八宝蒸饭，份量都几多，两个人食一定好够，米饭软硬适中，粒粒分明，个人特别钟意芋头同南瓜，蒸得好够腍，而且好甜。最后仲送一笼点心，粉果皮薄馅靓，非常饱满。特别喜爱马拉糕，口感松软，甜到啱啱好。