利寶閣 (已結業)

难得的假期，同朋友去左食点心放题，十一点去到，食放题安排坐到窗边，系大玻璃下望住蓝天既假日，心情好，食欲大增，我地叫左好多点心。放题包左每人都有原只鲍鱼酥同花胶灌汤饺，酥皮脆，原只鲍鱼下有沙律酱同洋葱，金菇丝；花胶灌汤饺，花胶好大旧硬身，灌汤饺大大只，即叫即蒸，热辣辣。放题点心可每粒叫，每样试d，鹌鹑蛋烧卖同百花烧卖皇放埋一笼蒸，质素不错，烧卖肉都好实净；山竹牛肉球有一笼三粒，配喼汁好味，有好多葱同芫茜系牛肉里面。炸物都不错，即炸，炸得刚好，叫左沙律虾春卷，里面好大只虾；咸水角好吃，外面脆得黎有点烟韧；脆皮虾饺叫左一粒，是原只虾，不是切碎了的。叫了三个大排档小食，咸菜猪肚、萝卜金钱肚同猪脚姜，三款都出色，猪脚姜特别赞，有一只蛋，两旧大大的猪脚，好入味！我地仲叫左晶莹鲜虾饺、鲜虾水晶饺同上素蒸粉果，五粒放埋同一笼，鲜虾饺皮薄馅靓，鲜虾弹牙，沾辣油提升味道。油盐水菜远有两条，青绿！最后就是豉汁蒸凤爪，有一笼，份量好多！食到饱饱。