Studio Caffeine (廟街)

营业中

休息中

原本想去间餐厅排长龙，所以系附近揾左呢间cafe，食返个丰富all day breakfast 医下肚。all day breakfast (超级）＄115炒蛋超滑但无咩蛋味。烟肉几大块有肉感同有油香。纽伦堡肠煎得香口又脆皮，多肉汁好正。大蘑菇好薄身，亦不够juicy ，幸好都有菇味。烟熏黑椒牛肉鞋左少少同几薄，不过烟三文鱼肥美。黑松露薯蓉几重黑松露味，薯蓉细滑。焗豆较普通，应该罐头野。法式奶油面包好好牛油味，微微香脆面包够松软。沙律用醋汁，配红、黄车厘茄，好refresh好爽脆。新鲜水果用无核青提，几清甜。总舍食物丰富，价钱吸引，味道正常，肚饿真系几抵食。手撕猪肉配西班牙风味辣酱扁意粉＄95份量刚好，手撕猪肉太辣，应该加左好多辣椒仔，怕辣就免食，由于太辣食唔到其他味，肉质偏扎实，意粉反而煮得岩岩好。法式焦糖炖蛋鲜奶咖啡，第一口有好重炖蛋味，之后先慢慢出鲜奶咖啡味，但越饮个炖蛋味就越唔突出，好似普通焦糖咖啡咁，都唔错。泡沫咖啡，奶泡丰盈绵密，咖啡味浓而口感顺滑，拉花亦好靓。