越味皇 (已結業)

荃湾都真系几多野食！今日朋友就简左黎食越南野！餐厅唔算好大，但座位坐得舒服，唔会好逼！职员用电子仪器落单，好快手，又无漏单！叫左六串串烧，三牛三鸡串烧用左香料去腌，有啲香茅味！正！鸡肉嫩滑，烧得黎有肉汁。个酱好香口，有啲芝麻同花生味，唔会好咸，唔错！啲肉都算大旧正！火车头汤河材料有唔少，几丰富，有牛展、萝卜、牛腩、牛肉、牛丸等。牛肉未全熟，浸一浸个热汤就刚好熟！汤清甜，河粉爽口！牛丸都几弹牙，金钱展够稔，入味！好食！越式三宝捞檬有香茅猪扒、鸡翼同扎肉。刚炸起，好脆口同香口！檬粉个汁酸酸地又有少少辣，捞埋食好正！夏天食好岩，较有胃口！牛油果软壳蟹米纸卷呢个又系好yummy ！米纸够稔但有咬口，软壳蟹脆脆地，夹埋粉丝同菜同牛油果好清新，点埋酸酸地既汁好好食！蟹头膏炒通菜推介！通菜够嫩，唔会好难𡁻。炒得好惹味，送饭一流！即使我无叫饭，自己都食左半碟！椰青够冻又清甜，岩晒热辣辣既夏天！解渴一流！珍多冰，不过不失唔错既一餐！会再黎！