Burger's Friend Forever (MONTEREY Place) (已結業)

本身其实唔系谂住食呢间餐厅，不过原定𠮶间walk-in冇位，系正呢间餐厅嘅附近，所以就入嚟试吓。汉堡嘅选择都有差唔多10款以上，我哋拣咗至尊汉堡特卖侯斯顿汉堡再加$25转套餐有薯条/薯格拣，$33就可以有洋葱圈/炸鸡𠮶啲。其实咩系至尊汉堡呢？其实就系两层嘅牛肉配合洋葱蘑菇芝士烟肉同埋煎蛋。一听就知成个包啲料非常之多😂 一啖摆唒落口有少少困难😂😂 首先个包带甜味，都松软嘅，食到尾因为吸得太多肉汁所以就淋晒。牛肉初初第一啖咬到个边皮位系有少少干，但系食食吓又发现都唔错，都多肉汁。本身谂住有洋葱就冇蘑菇，但系竟然两样都有有啲惊喜。成个包食起上嚟都唔错，算系几高质素。薯条系连埋薯皮加埋一啲辣辣地嘅粉非常之惹味。Houston 其实都非常之好，bbq加埋啲烟肉都系非常之正。薯格都好食，但系唔及薯条出色。如果觉得至尊汉堡太大的话，呢个都系一个唔错嘅选择。整体来讲质素系几高嘅一间汉堡餐厅，如果喺将军澳想食汉堡呢间系一间值得推荐。