宴．鐡板燒 (亨環‧天后)

营业中

休息中

环境5分：上电梯已经可以望到外面风景，非常兴奋，天后顶楼餐厅个景冇得输，装修骨子，室内光猛，吧位对住个厨房，望住D师傅煮野一目了然，畀硬五分。卫生5分：地方企理干净，厨房卫生，一样满分。服务5分：服务员同师傅都一样咁爽手，不停加热茶同介绍食物，非常专业同好招呼，服务满分。味道5分：1)     季节前菜三点有清甜嘅京都豆腐拼栗子，酸甜醒胃嘅蟹肉拼冲绳水云，同香浓嘅慢煮𩽾𩾌鱼肝拼鳕鱼片。2)     刺身有四块好香松露味又够清润嘅薄切鲷鱼肉。3)     寿司两件都调好晒味，完全唔使点豉油，右边件大池鱼寿司好肥美，左边件鲽鱼边寿司好幼嫩软滑，两件都好惹味。4)     自家制渍物好清爽。5)     野生生猛龙虾系澳洲龙虾，由鱼缸生勾勾拿出黎非常生猛，煮熟左食特别爽。6)     三文鱼籽配北海道帆立贝刺生级嘅带子烧到好香，加上超新鲜超弹口嘅三文鱼籽好好食。7)     美国牛柳大大粒，好淋好有牛味仲好juicy。8)     铁板炒饭睇住师傅生打D鸡蛋炒，新鲜热辣香喷喷，响面果D樱花虾非常香口同脆卜卜。9)     铁板炒什菜好新鲜同爽。10)  季节浓鱼汤系用鲷鱼肴出，鱼味非常之浓，