羅麥記 (東薈城名店倉)

营业中

休息中

行过见到呢间餐厅，屋企人见到话想食，怀旧冰室咁都几多野食可以选择。我地叫左2个小食加个铁板同饭。芝士芫茜虾春卷，春卷十分香脆，流心既芝士配上大大只既虾，芫茜味相对比较淡左少少。炸鱿鱼圈，炸得好干身，鱿鱼圈比较幼身，胜在好易咬。罗麦炒饭，饭粒甘香唔会太干身，大碟又好足料，有猪肉碎再加d鱼干仔，都几好食。杂扒餐仲有埋餐汤，呢个非常大份，3块扒都好大块，猪扒好够软腍，介左边既司华力肠，仲有薯角都十分滋味。仲叫左两杯野饮生姜蜂蜜水,姜味好浓又唔会太辣，蜂蜜柠檬红茶，蜂蜜另上比客人自己加。整体觉得呢间餐厅好有港式旧冰室既味道，份量又足，相信以上份量3个人黎食都好够饱。