影片
更多
2023-11-25
25 浏览
想同朋友坐低享受慢活时光，可以静静地食吓嘢、倾吓偈，拣咗呢间主打串烧嘅日式料理餐厅。行近餐厅见到门面暗黑设计，好型格，门口设有开放式座位同高枱，感觉几chill。餐厅入面左边系小清新设计，有可以坐底饮吓咖啡嘅悠闲感；右边系长形黑色水吧位，放咗好多唔同类型嘅酒，同样令人感觉放松。✔️烧鸟Omakase$338一位餐厅主打串烧，当然套餐价钱较相宜，又可以试到多啲食物。呢个师傅发办嘅鸡串烧套餐包括：2道前菜、6串串烧、1道和食主食及味增汁，好丰富。前菜：芥辣八爪鱼，红酒荞头将新鲜八爪鱼切成粒状，加入芥末，有辛辣风味；红酒荞头酸味味，两个前菜都令人好开胃。和食：鸡汤丸子由剁碎鸡肉和其他调味料混和而成嘅丸子、萝卜、腐皮煮成嘅鸡汤，鸡汤吸收咗食物精华下好清甜。串烧：鸡胸肉、鸡脚跟、鸡翼、明太子酿冬菇、紫苏叶鸡肉、鸡肝、鸡胸软骨、鸡心、鸡棒及日本蛋今次发现原来鸡咁多部位都可以用嚟煮食，自己未食过鸡脚筋，鸡肝、鸡胸软骨、鸡心，都比较少食到，唔同部位嘅口感又真系几唔同，鸡脚筋胶原感重，比较弹牙；鸡肝质地滑润；鸡胸软骨呈片状，咬落去更薄脆；鸡心Q弹！而自己好钟意鸡棒及日本蛋，口感十足嘅鸡肉棒蘸上可生食用蛋液
✔️烧鸟Omakase$338一位
餐厅主打串烧，当然套餐价钱较相宜，又可以试到多啲食物。呢个师傅发办嘅鸡串烧套餐包括：2道前菜、6串串烧、1道和食主食及味增汁，好丰富。
前菜：芥辣八爪鱼，红酒荞头
将新鲜八爪鱼切成粒状，加入芥末，有辛辣风味；红酒荞头酸味味，两个前菜都令人好开胃。
和食：鸡汤丸子
由剁碎鸡肉和其他调味料混和而成嘅丸子、萝卜、腐皮煮成嘅鸡汤，鸡汤吸收咗食物精华下好清甜。
串烧：鸡胸肉、鸡脚跟、鸡翼、明太子酿冬菇、紫苏叶鸡肉、鸡肝、鸡胸软骨、鸡心、鸡棒及日本蛋
今次发现原来鸡咁多部位都可以用嚟煮食，自己未食过鸡脚筋，鸡肝、鸡胸软骨、鸡心，都比较少食到，唔同部位嘅口感又真系几唔同，鸡脚筋胶原感重，比较弹牙；鸡肝质地滑润；鸡胸软骨呈片状，咬落去更薄脆；鸡心Q弹！而自己好钟意鸡棒及日本蛋，口感十足嘅鸡肉棒蘸上可生食用蛋液及味道浓厚酱油，风味十足！
主食：日本饭团及味噌汤
三角形日本饭团外层焦香脆口，钟意呢种焦香口感的话，可以单独食用饭团，另外再饮用味噌汤；另一个食法就系将饭团放入味噌汤，整碎佢浸一阵，变成茶渍饭。自己钟意后者食法，冇咁热气，汤饭对于我嚟讲又更易入口。
✔️生啤$88
黑啤麦味较重，顺滑易入口，女仔都啱饮。
✔️白桃梳打$42
呢只牌子嘅樽装白桃梳打好多日本料理餐厅都饮到，味道较甜。
✔️炉烧鸡泡鱼干78
鸡泡鱼干表面呈金黄色，具烤香风味，面层涂有蜜糖一齐烧，味道丰富有嚼劲，伴酒最佳小食！
张贴
