真味鮮廚 (已結業)

又黎到最钟意既打边炉+鸡煲，任饮任食一次过满足两个愿望！自助区有唔同小食、酱料同饮品，可以自己拎🍴刺身拼盘有甜虾，鲍鱼，带子，三文鱼，八爪鱼🐙，希灵鱼，份量十足。而且每份刺身都系厚切，鲍鱼都好厚身！另外酱油同wasabi系自助区自己拎，个wasabi非常有料到！🍴重庆鸡锅先开大火炒个鸡煲，全部鸡既表面都有d㶶㶶地，加上所有配料都入晒味，非常惹味！边炉方面我地拣左胡椒萝卜排骨锅做汤底，上菜之前饮2碗汤先～🍴肉蟹海鲜盘 🦞+ 龙虾海鲜盘🦞上到台面都觉得非常震撼，份量十足！两个海鲜盘都有海虾🦐、圣子、带子王、龙趸肉、青口、鳝片，全部海鲜都好新鲜同埋份量好大！🍴特级安格斯肥牛🥩打边炉当然唔少得肥牛，牛肉雪花分明，牛味浓郁。🍴巨型水饺皇🥟水饺有成个碗咁大，入面有几只鲜虾，好饱肚。