Running 燒 (已結業)

一班朋友GATHERING，最开心莫过围住个炉一边食一边吹水。除左打边炉之外，韩烧都系一个非常不错的选择。因此要等个FD放工，唔可以早食，所以食唔到优惠时段。唔紧要LA~~~~~到韩式食店必然可以食到几款前菜，虽然我唔太钟意食辣野，不过个芽菜酸酸味味咁，都几开胃。饮品除左酒要俾钱之外，都系可以自己去雪柜度拎，种类都充足。职员好好，一坐低就介绍下有咩食，同边度拎野饮酱料。特别提醒我地唔好烧果块萝卜黎食，系用黎清洁个铁板。餐厅烧肉的种类都好丰富，猪牛都有，最正系连扇贝、生蚝都有。虽然扇贝烧完会缩到细细粒，不过胜在系放题，当然就要系咁加单LA。个蒜蓉芝士生蚝好正，芝士蒜蓉融同D蚝味配合得天衣无缝，大家记得要试下。除左肉之外，都有唔同小食可以选择。炒粉丝值得一试，因为真系好入味，口味弹。另外要试下原味炸鸡、炸鱿鱼须，新鲜炸起脆扑扑。当你烧紧肉，等紧熟果时就可以食住D小食先! 其余大虾都可以一试，D虾大大只，唔会觉得霉。烧到后段就可以烧D菜食下，中和下无咁燥，生菜都好新鲜。卖单俾钱时重可以俾客拣食枝雪条AR.... 好正!