韓牛韓式燒烤 (已結業)

同朋友庆祝生日，拣咗呢一间食韩烧。喺网上面见到话有好多嘢食，于是就真系试吓。平日6:00嘅时分，唔使等位就有得入，不过坐到7:00，就已经有好多人。佢嘅选择真系超级之多！除咗韩烧嘅部份之外，有好多前菜、熟食、小食、刺身、饮品、甜品等等。每样嘅选择都超级多！烧肉嘅咁多种肉入边，我哋最钟意嘅系牛仔骨，牛仔骨佢嘅牛肉肥瘦分布比较平均，牛味好重。甜品方面都有惊喜，芒果布甸劲多芒果，好足料，椰汁西米糕都劲重椰汁味！我同朋友食咗好多个。