壽喜燒 友 (已結業)

lunch时间既omakase之前都有试过，但寿喜烧既omakase就第一次食，人头$580，午市都已经好多野食，超级满足呀！食物咁多就唔样样都讲啦，主打就紧系寿喜烧，用上3款A4和牛，肉眼，西冷，肩肉，肩肉用佐野菜一齐去慢煮，煮到啲肉味渗透出黎，肉香十足，软腍既和牛口感好好，超级美味！呢个餐既其他食物同样好难忘，日本野菜又够新鲜入味，用寿喜烧汁去煮系最香架，而鸡蛋盖饭就充满蛋香，滑捋捋既滑蛋捞饭绝对系最佳配搭呀，仲有茶碗蒸又系滑身既蒸蛋，蛋味浓浓，质地好好，味道口感都系满分！仲有好特别off menu既寿喜烧炒芋丝，虽然无咩其他配料，只系好简单既寿喜烧汁去炒芋丝，但味道就好香，芋丝烟烟韧韧，口感得意！