影片
更多
2024-06-05
159 浏览
一向都好中意兰桂坊集团嘅餐厅，而呢间Fumi就系其中一间我bookmark咗好耐，但一直未去食过嘅兰桂坊集团旗下餐厅。今个星期终于同大旧约咗Weekend brunch去大快朵颐。.一行入餐厅就觉得佢地采光度不错，下午时间阳光明媚的，令人心情愉快。客人可以自选一款主菜，之后出面会有自助吧俾大家攞食物，最后佢哋再送上甜点。.主菜推荐银鳕鱼味噌烧，银鳕鱼质感嫩滑，只有大骨，无细骨，几容易食。味噌烧汁香香浓浓，甜甜地。钟意饮酒嘅话佢哋仲有无限畅饮套餐，不过下昼我就唔想饮太多酒，只想小酌一杯，所以只系叫咗一杯獭祭 45 纯米大吟酿，虽然只系一杯，但服务员倒得非常大杯，几乎满杯而出，所以都饮得几爽，入口甘香带淡淡米香，不错。.自助食物方面，性价比最高的当然是A4宫崎和牛及北海道鳕场蟹脚，前者牛脂丰腴，入口几乎即溶，北海道鳕场蟹脚则咸咸鲜鲜，质感扎实，食得出用料唔错。.季节限定嘅关东煮味道调配颇到位，萝卜爽身入味，系我嘅飞佛，除此之外，仲有狮子狗卷、墨鱼饼、同埋豆卜等等。.前菜个人最爱系蟹籽青瓜沙律及日式泡菜，前者清爽怡人，加上大量蟹籽口感甚佳。后者就几有特色平时食得韩式泡菜多，好少有机会食到日式
.
一行入餐厅就觉得佢地采光度不错，下午时间阳光明媚的，令人心情愉快。客人可以自选一款主菜，之后出面会有自助吧俾大家攞食物，最后佢哋再送上甜点。
.
主菜推荐银鳕鱼味噌烧，银鳕鱼质感嫩滑，只有大骨，无细骨，几容易食。味噌烧汁香香浓浓，甜甜地。钟意饮酒嘅话佢哋仲有无限畅饮套餐，不过下昼我就唔想饮太多酒，只想小酌一杯，所以只系叫咗一杯獭祭 45 纯米大吟酿，虽然只系一杯，但服务员倒得非常大杯，几乎满杯而出，所以都饮得几爽，入口甘香带淡淡米香，不错。
.
自助食物方面，性价比最高的当然是A4宫崎和牛及北海道鳕场蟹脚，前者牛脂丰腴，入口几乎即溶，北海道鳕场蟹脚则咸咸鲜鲜，质感扎实，食得出用料唔错。
.
季节限定嘅关东煮味道调配颇到位，萝卜爽身入味，系我嘅飞佛，除此之外，仲有狮子狗卷、墨鱼饼、同埋豆卜等等。
.
前菜个人最爱系蟹籽青瓜沙律及日式泡菜，前者清爽怡人，加上大量蟹籽口感甚佳。后者就几有特色平时食得韩式泡菜多，好少有机会食到日式嘅泡菜，呢度嘅日式泡菜比起韩式冇咁辛辣，爽脆度再高一些。
.
刺身方面，每日现切嘅油甘鱼非常受大家欢迎，切得够厚身，令到入口嘅口感更佳。另外带子亦都非常之鲜甜，食材喺自助餐黎讲真心系有诚意。
.
串烧都系有师傅一路即烧，盐烧宫崎鸡翼弹牙有致、宫崎特产黑豚香肠肉味有明显比平时嘅肠仔浓郁，鲜冬菇就做到保留多汁嘅同时，亦都将个菇香味烧到出嚟，不错。
FUMI (中环)
中环兰桂坊德己立街30-32号加州大厦6楼
张贴
