金所 (已結業)

已经两年冇去过日本，超挂住以前筑地市场既海鲜丼😫早排睇街坊谷先知大角咀开左间朝头早先有得食既海鲜丼，佢地既呑拿鱼系每朝由丰州市场直送！唔系一般急冻飞机货，系新鲜未被急冻既「生鲔」呑拿鱼！运到黎香港即卖，所以每朝8点开始就供应，卖完即止，听讲未开门就有人黎排队，令我谂起一落机即冲筑地既回忆👀不过依家我就冇咁神心啦，早两日出门食lunch，行过见到金所12点几仲营业紧，咁难得既机会梗系要试下啦🤤4. 中落ち、鲔鱼蓉、中トロ、大トロ丼$268（+兰王蛋$12）12. 赤身、鲔鱼蓉、帆立贝、甜甘虾丼$168烧蚝2只$80一入门口就见到师傅刮紧吞拿鱼肉，舖头入面既空气弥漫一股腥味，所以冷气开得好劲，尽量令环境保持低温。味噌汤同腌萝卜好清新，刺身果然都好新鲜，尽量唔点咁多豉油怕掩盖左鲜味！吞拿鱼各个部位味道都好分明，个人觉得大拖罗最好食，油脂超香又冇筋，加埋兰王蛋黄伴饭又将享受推高一个层次🤤帆立贝大大只，甘虾比起想像中甜，几款刺身都好正呀！唯一觉得寿司饭有少少偏干同酸，如果可以控制得好啲就更好。烧蚝既蚝肉劲大只胀卜卜，略嫌唔够鲜味，但蚝肉非常爽口，烧既时间火候系做得几好。