影片
更多
2018-10-03
959 浏览
无事常相见，同朋友之间嘅关系正是如此，毕竟感情要靠时间士经营、维持。国庆连假过后，一行四人黎到大角咀用膳，选择比较稳阵嘅中菜，利宝阁位于奥海城二期，位置方便我地，加上平日晚上经过都唔会见到好多人，所以无特别订位。酒楼面积都几大，平日晚市人流唔多，主要系住附近嘅街坊，同埋听得出系游客。变相用餐时间好松动，慢慢坐慢慢倾。餐牌其实都系以中菜为主，丰俭由人，海鲜、鲍鱼，一般小菜都有。我地点左个四人套餐再加个谷饲豚肉叉烧配原盅佛跳墙，足够有余，人均消费约二百五蚊，都非常丰富。茶位 $15/位；酸菜 $20谷饲豚肉叉烧饭配原盅佛跳墙 $188晚市双拼优惠嘅黯然销魂饭，实质即是叉烧煎蛋饭，多得食神，将呢碗饭冠以一个咁深入民心嘅名字。叉烧饭上枱卖相吸引，叉烧好似梅头咁免切上枱，肥瘦半半，口感嫩腍，边位香口，加上少少蜜汁味，确实不俗，太阳蛋流心，捞饭一流，唯午市价钱更抵食。孖宝形式配佛跳墙，钟意炖汤嘅朋友应该都会钟意，里面几足料，除左鸡脚，仲有花胶、海参、瑶柱、菇等，味道浓郁滋补。丰料炖汤海鲜餐 $688/4位 (星期一至五)点选四人套餐，包括：汤羹、海鲜、小菜三款，份量足够，即使再额外加野都唔会好贵。
餐牌其实都系以中菜为主，丰俭由人，海鲜、鲍鱼，一般小菜都有。我地点左个四人套餐再加个谷饲豚肉叉烧配原盅佛跳墙，足够有余，人均消费约二百五蚊，都非常丰富。
茶位 $15/位；酸菜 $20
谷饲豚肉叉烧饭配原盅佛跳墙 $188晚市双拼优惠嘅黯然销魂饭，实质即是叉烧煎蛋饭，多得食神，将呢碗饭冠以一个咁深入民心嘅名字。叉烧饭上枱卖相吸引，叉烧好似梅头咁免切上枱，肥瘦半半，口感嫩腍，边位香口，加上少少蜜汁味，确实不俗，太阳蛋流心，捞饭一流，唯午市价钱更抵食。
孖宝形式配佛跳墙，钟意炖汤嘅朋友应该都会钟意，里面几足料，除左鸡脚，仲有花胶、海参、瑶柱、菇等，味道浓郁滋补。
丰料炖汤海鲜餐 $688/4位 (星期一至五)点选四人套餐，包括：汤羹、海鲜、小菜三款，份量足够，即使再额外加野都唔会好贵。汤羹三选一，我地拣左丰料滋补炖汤，由于我系好钟意汤水，一盅佛跳墙又点够，所以拣左炖汤，店员好快手帮我地分装，再夹起汤渣。汤底清润无味精感，连同汤渣加豉油，我地都食哂。
海鲜三选一，分别有龙虾伊面、蒸鱼或鲍鱼，我地拣左龙虾伊面，感觉上有个面会饱肚啲。伊面上枱都几吸引，龙虾已经分体，一只份量，虽然唔系话好大只，但肉质爽弹，都系新鲜货伊面份量适中，沾上芝士酱汁，挂汁度高，略嫌煮得比较腍身。
至于小菜，可以从超过15款中拣3款，弹性够高，有菜有肉，我地拣左宫保炒虾仁、瑶柱什菜煲、美味榄角骨，整体都几有水准，虽然唔系好够热辣辣嘅感觉。宫保虾仁值得一赞，啲虾仁大粒又爽口，好满足；至于瑶柱什菜煲都系稳阵之选，上汤唔会好咸，单吃都可以；最后榄角骨几特别，外皮炸过，沾左蜜糖、黑椒咁，食落甜甜地，好开胃
最后店员送上甜品，分别有红豆沙、椰汁十胜红豆糕，前者味道比较清淡，唔会好甜，争咁啲果皮香；反而对椰汁红豆糕印象唔错，椰汁部份好香，甜度适中，红豆大粒之余，保留粒粒口感
张贴
