no.11

营业中

休息中

早几日衬放假走左入长洲行下，行行下见到呢间望落几chill嘅cafe就有啲兴趣入去试下。门外放左几架单车同太阳伞，成件事即刻chill晒，好有长洲(即是渡假)嘅感觉，而且壁画都好靓。由于当日比较多人，所以等左一阵先可以入去座。内裹环境以简约同埋木系为主，几有特色。另外仲有个招牌灯牌，几靓﹗个人就觉得木长枱上放嘅干花几有格调，唔错唔错。All Day Breakfast ($98)终于黎到重点喇﹗呢份all day breakfast好大份，我自问都大食，食完都够饱，而且有大量沙律菜，平衡番烟肉香肠牛油大啡菇带黎嘅油腻感。炒蛋都唔错，可以再生少少。值得一提个罗勒酱焗蕃茄酸酸地几特别，不过个牛角包就有些少太过火，有啲焦焦地。Dirty (Oak Milk) (跟餐) ($24)之后试左杯近来好出名嘅Dirty，挂杯做得几靓，不过只杯唔够冻，饮落咖啡嘅分层唔算好明显，整体都还可以。