哈豆

营业中

休息中

见到openrice好评如潮，就试试佢🌱一出电梯左边就系大门，揾都唔洗揾。圣诞节一早黎到，仲系好静，张枱大大张，唔会唔够位放野食。🍽 丰盛台湾牛肉汤面 $76大大碗，一睇就见到好多料，真系丰盛架，岩晒钟意食唔同𩠌既人，有牛肉筋、牛展、牛肉丸、贡丸、花枝丸、半只蛋、生菜。牛肉同牛展都好冧，完全冇牛膻味。牛肉丸入面仲有牛筋粒，真材实料。面就有点点失望，不是烟烟韧韧那种。汤底是正常既牛肉汤面，都唔错，不过不失。最后成碗清晒干干净净冇剩。🍽 青蛙撞奶 $18青蛙撞奶系台湾名黎，正式系黑糖珍珠牛奶，估唔到堂食都直出外卖杯，虽然冇咁环保，但其实卫生咗，仲可以拎住走，岩晒成日饮唔晒杯野饮既朋友。味道方面同预期既一样，系我钟意既味道。