牛魔 (已結業)

好耐无去过食烧肉，所以就去咗尖沙咀「牛魔」食晚饭，适逢依间餐厅开业五周年，依家可以五周年优惠价$680就享用到价值$860嘅二人前星级热卖套餐，仲要17:30后用餐可享九折优惠，折上折真系值得一试。依个套餐包含咗几款和牛菜式，仲有D日韩配菜及酱料提供，自己可以整唔同combinations食。*此餐厅收取加一服务费。二人前星级热卖套餐（单点$860），美国和牛封门柳，表面铺满紫苏花、蒜蓉、香葱、柠檬，肉质软腍，牛味浓郁。美国和牛牛板腱（跟餐$0），油脂分布均匀，食落入口即化，配以柠檬汁、蒜蓉食用，牛味更加突出，配菜包括有杏鲍菇。烟熏苹果木松露和牛他他（跟餐$0），一打开玻璃罐就即刻有烟雾飘散，散发出轻微苹果木香味，生牛肉肉质嫩滑，牛味浓厚，配以黑松露酱、苹果丝、日本生鸡蛋蛋黄、香葱、蒜蓉食用，口感更多层次，味道更加丰富。全天然西班牙豚肉五花腩（跟餐$0），厚切五花腩肉质肥瘦相间，食落油脂味浓，配以韩式泡白菜、生菜、韩式大酱食用，食落充满韩国烤肉风味，配料包括紫苏叶、珍珠笋。黑松露和牛肉碎炒饭（跟餐$0），表面铺有香葱、芝麻，和牛食落有咬口，炒饭食落粒粒分明，内有红萝卜、香葱，略嫌黑松露