最想吃 (已結業)

呢日同友人喺湾仔揾咗好耐食咩好，就揾到呢间ALL I WANA EAT，见佢有刺身、有鸡煲(可以拣炸鸡)，又有一人火㶽，仲要系任食！岩哂我哋呢啲选择困难症嘅人😹环境//呢间应该系新餐厅，人唔多，环境好舒服同干净，啲位好阔落，够坐6人一齐打边炉。食物//头盘同刺身岩岩好系2人份量，我就好钟意个鸡肉串烧，个烧汁几甜，配上鸡肉腌得好入味同嫩滑，友人就大赞个蛋黄鱼皮。刺身款冇得拣，不过全部都大路、种类多，我好怕鱼生腥，但佢就冇乜腥味，还可以。鸡煲同炸鸡2拣1，我哋拣咗鸡煲，仲会俾酱同辣椒粉俾你自己调节辣度，份量望落好少，不过后面仲有一人火㶽，所以够食。火㶽汤底选择都多，我哋分别叫咗麻辣同牛乳汤底，不得不赞啲牛肉、猪肉同海鲜料好靓，除咗可以落火㶽，仲可以落喺加咗汤嘅鸡煲度。真系一次过满足哂所有愿望。饮品//要特别提下，佢有一杯杯自家制嘅饮品，我试咗宇治金时，应该系抹茶、奶加绿豆，杯野饮好高质好好饮！整体//适合一班朋友聚嘅地方，咩都有得食，就唔洗夹来夹去，地方远离尘嚣，唔会好嘈。整体食物水平高，服务尚好，服务员会间中走来望下张枱有冇野收，系聚会嘅好地方！