煮道 (已結業)

今日同同事喺上环做完嘢，两个人又攰又肚饿。 经过商场楼下见到个机械人好得意，原来楼上系煮道，主打一人一锅。 望咗宣传招牌，觉得都好吸引，所以我哋就上去一试。 餐牌上面有好多唔同嘅锅物，我拣咗安牛肉锅，朋友拣咗大份海鲜锅。 锅物上来比我预期之中大份，每粒丸都有份量，望过餐牌，话系振兴出品，都系有馅的，而且弹牙又鲜味，食个阵要小心烫到个咀。 牛肉锅我拣左传统既日寿喜烧汤底，味道浓甜，安格斯牛非常嫩口，同汤底perfect match。 朋友拣海鲜锅(大份)，蕃茄汤底，大小分别在于海鲜份量每款1样定2样。 海鲜有广岛蚝、大虎虾、带子、青口、花枝丸、小八爪鱼……加上其他丸物、冬菇、小笼包、福袋… 份量十足。 蕃茄汤底味道比较淡， 相信系唔想抢去海鲜本身既鲜味， 味道不错。 最后点了冻的洛神花茶，酸酸微微，食完再饮，非常醒神。