District 8 (ELEMENTS圓方)

营业中

休息中

呢间系圆方顶层既餐厅可以拣坐系露天嘅位置或者系室内嘅位置，如果冇咁冻坐露天位都几有feel，室内都好有装修，好正！🐟 西班牙鲭鱼，慢煮茴香，番红花，青口汁呢个平时喺出面都好少见，鲭鱼系煎好咗放喺中间嘅，鲭鱼煎到个皮有啲焦香，鱼肉都系有啲焦焦地，但系仲保持到最入面嘅鱼肉好嫩，而且有啲青口围住鲭鱼，青口都算大只，有青口煮出嚟嘅青口汁，再配埋香草，好特别，好鲜味。🐄牛腹肉牛扒以牛腹肉呢个部位整既牛扒真系好好食！牛肉煎出嚟系粉嫩色，好嫩好林身，而且牛味好重，煎得啱啱熟，唔会过老，再加埋有一大嚿沾满香草嘅牛油可以揸满炸咗嘅薯仔，同埋牛排一齐嚟食，咁就更加香，牛扒都可以点酱汁黎食，味道更好！🍰芝士蛋糕芝士蛋糕应该系巴斯克芝士蛋糕嘅做法，面头系焦香嘅，而内心系好软好林嘅芝士蛋糕，芝士味好重，而且蛋糕隔离有忌廉可以同蛋糕一齐食，更加滑身。🥧朱古力挞朱古力挞唔系好大件，但系朱古力味好浓，而且个挞唔会太硬，反而有啲软林林嘅感觉，加埋面头嘅士多啤梨酸酸地，中和返甜味，唔会过甜，好好味！