和牛燒肉一郎 (新都城中心二期) (已結業)

放假前当然要食番餐劲，今次就疯狂食和牛。呢间餐厅特别在会提供「和牛识别番号」，可以追寻只牛边到嚟，知道来源，保证有质素，食得更放心。拣好套餐后，店员会先上咗头盘先。套餐C有舟盛合、桶盛合、极上花盛盒同埋和牛西冷。一开始就已经食匀晒海陆空嘅野食。和牛西冷油脂满满如雪花般，肉质鲜嫩，油份十足，正！鳗鱼白烧呢个系季节限定，店员烧到鳗鱼表面香脆，食落鱼肉嫩滑，配上柠檬同盐已经够晒鲜味。牛刺身系列牛刺身系细个食某边炉餐厅嘅回忆，香港唔算太多。一见到呢到有咁多牛刺身就疯狂嗌。生牛肉刺身入口即溶，鲜味突出。而拌生牛肉系同生鸡蛋搅拌，就好似食生牛肉他他咁，但呢到系将牛肉切成丝，啖啖都系有咬口嘅牛，牛香同蛋香绝对系好朋友。当然烧肉质素同样有保证。作为牛脷控可以疯狂嗌牛舌，就算唔系牛舌芯都好嫩滑。除此之外，仲有和牛薄炙里脊肉、和牛薄炙寿喜烧里脊肉。佢地都可以配上温泉蛋一齐食，牛嘅浓郁同嫩滑蛋汁非常夹。仲可以将里脊肉烧完配海胆寿司，食法特别，牛肉海胆双重鲜味。所以呢到食材配搭好丰富。当然饮品甜品都好多选择，仲要好高质素。