黃埔小廚 (已結業)

去黄埔食饭紧系要去「黄埔小厨」，依间人气小店的确几高质，依餐饭Order嘅四个海鲜菜式都食得出绝对系用生猛海鲜制作，所以都好满意，难怪几多客人嚟帮衬，食小菜点得啤酒，依间仲有卖唔同手工啤，味道都几创新㗎，如果Menu上面无你想食嘅菜式，只要你讲得出，厨师都会肯为你整。豉椒炒蛏子（单点$180），有8只蛏子，蛏子好大只，近乎系蛏子皇级数，肉质肥美、爽口，食落好新鲜，表面挂满豉汁，食落好惹味，配料包括有豉椒、辣椒、紫洋葱、彩椒、蒜头、香葱。黄金虾球（单点$128），即叫即炸，食落好热辣辣，表面铺满咸蛋黄，味道咸香，炸浆口感薄脆，鲜虾肉质弹牙，味道鲜甜，整体皮薄馅靓。胡椒猪肚浸花甲（单点$118），猪肚份量多，口感厚弹，花甲肉质饱满，食落鲜味十足，汤底饮落充满白胡椒味道，但又不会太浓烈、带点猪骨味道，配料包括有咸酸菜、辣椒、蒜头。椒盐鲜鱿（单点$108），表面铺满椒盐、蒜蓉，蒜蓉经过爆香之后，食落脆卜卜，如果有落埋指天椒，应该会更加好味，炸浆口感酥脆，鲜鱿肉质爽脆、不韧，食落好香口，配以喼汁食用，味道更佳。吹啤啤倾城手工啤（单点$45），ABV 7.2%，麦芽、小麦味道比较浓厚，盖过百香果味