魔膳廚房 (已結業)

昨日去完观塘广场买完电脑用品后见肚饿就揾下附近有咩餐厅医肚。平时都知道观塘嘅工厂大厦有好多楼上餐厅，经过开源道见到有栋工业大厦正门有个好光猛嘅入口就入去睇下，原来喺一间餐厅嘅入口嚟，心郁郁就上去睇下。门口有个好靓嘅花花background就试下啦。入到餐厅已见到一个沙律bar同少量甜品,  店员话跟餐加$38 就可以任食。先点了2个餐汤，德国烤猪手同店长推介自家制海胆汁海鲜意粉后就去夹沙律慢慢叹。沙律食了一半意粉就来了，上菜嘅速度都好快。意粉个酱汁相当香浓，淡黄色嘅酱汁食落好重海胆嘅香味带有少少甜味还有只大大只虾同其他海鲜配料，味道不错。到烤猪手来了，份粮都颇大件配黑椒汁同脆脆薯角。平时食开炸猪手个皮炸到脆脆地较硬身，今次呢个有dd特别，皮仲保留软身QQ的好有口感。最后叫了杯玫瑰蜜花茶同咖啡，饱饱地抱腹回家。