幸匠燒 (新城市廣場一期) (已結業)

幸の晚宴门口打卡位好似令人置身日本一样，职员话只要消费，就可以写许愿牌。见到二人餐只系$688（foodie会员价），几丰富，就入咗去食！味醂鱼干有咬口，又软身，美味过瘾，最佳餐前小食脆炸白虾原只白虾炸至金黄香脆，可以连埋壳一齐食，十分香口。幸 ・ 厨师沙律沙律有蟹籽同蟹柳，而且日本蕃茄鲜甜清新又开胃。时令刺身三品盛 款款刺身都好新鲜，有北海道带子 、甜虾 同中拖罗，拖罗尤其肥美，入口即溶。串烧六品串烧拼盘有菜有肉，即叫即烧，鶏翼、鸡腿肉、黑豚肉、牛舌芯、秋葵同芦笋，涂上秘制酱汁同木鱼碎，食落更加惹味。清酒煮蚬蚬肉大粒饱满，完全冇沙十分干净，汤底有淡淡清酒嘅香味。明太子幸福玉子烧玉子烧松软又扎实，除咗表面嘅明太子酱汁之外，切开后仲有流心芝士酱，惊喜十足。一口鳗鱼饭。迷你牛肉乌冬主食可以拣鳗鱼饭同牛肉乌冬，鳗鱼汁浓肉嫩，乌冬烟韧弹牙，而且份量刚好。时令甜品造型精致嘅和果子，手工一流，一粒系西瓜一粒系茄子，好可爱。