月瀧天 (已結業)

本人和朋友在中环上班，特意乘港铁黎开餐，事源早前经开饭团购买左48蚊O既午市放题， 加一以原价98蚊计算。选择包括中、越、泰O既食品，款式都算OK，尤其以呢个价钱连车费，系中环都唔可以去饮餐茶，普通一个set lunch都唔得。我地12:20到达，1:45离座，我地都食左多过一半O既野食，入座率达七成左右，上菜都算快，至O岩我地咁赶时间，又想食多D o既食客。因为怕唔够时间同好饱，所以食到后面果D都系食左一、二啖。呢个越南鸡丝河唔多掂! 河粉好鞋，汤底有怪味，我都系食左2啖。旁边果碟系青胡椒炒猪颈肉，猪颈肉炒得好林! 大半碟清左。泰式虾膏炒猪颈肉呢碟都OK! 猪颈肉炒得好林! 翡翠花枝片味道同前果2碟炒猪颈肉都无乜分别，但都OK好味，都系大半碟清左。旁边果碟系原只葱烧虾，虽无虾味，但十分香口。呢个泰式炒饭食到最尾太饱啦! 食左2匙，甜甜地，无乜料，尚算OK!呢款甜品都OK，有酒店水准，奈何都系太饱，都系食左1啖。因为食左木糠布甸，佢成杯都好多忌廉，得面系饼干粉。旁边果碟系奶冻就唔多掂，唔滑，颇硬左少少，1啖即止。