林洪記

营业中

休息中

今晚系第一日复工，之前放咗成个星期无薪假，收工后约咗同事去咗食火㶽放题，呢间位于长沙湾市政大厦三楼嘅舖头，个名叫林洪记，因为依家禁止人多聚餐，所以一去到都有位，同事先叫一个海鲜拼盘，有龙虾，鲍鱼，蛏子，大蚬，海虾同两只大生蚝，先将海鲜放入蒸㶽里，枱上面嘅餐牌已经教埋你每样海鲜要蒸几耐，先食龙虾，啖啖肉又鲜甜，美味无比，跟住到鲍鱼同蛏子，都只系蒸几分钟就食得，点埋个自己调较嘅酱汁，令到每种海鲜嘅味道提升唔少，食完哂啲蒸嘅海鲜，跟住可以用呢个汤嚟食火㶽，配料我拣咗有，美国雪花肥牛，西班牙黑豚肉，鲜虾云吞，新鲜鸡件，同埋冇得弹午餐肉，最后叫多一个蟹子墨鱼滑同蟹子鲜虾滑，所有任食配料都嚟得好快，加20元有任饮森堡或青岛纯生大支装啤酒，啱哂我地两条友，唔饮啤酒都有汽水任饮，两条友食足两小时，每人都系218元，都算超值，下次可以叫多几个同事一齐食。