鮨白鳥 (已結業)

🌟平时最钟意食日本嘢，特别系寿司同刺身，今次就同男友去到呢间位于尖沙咀嘅「鮨白鸟」试试佢地嘅特色午市定食！餐厅以木系为主，极简舒适，分为卡位同吧寿司吧桌位两边，卡位仲有布廉相隔，更有私隐度！卡位位置上方仲有纸制的云形灯，几特别🤗寿司定食($298)先一碗茶碗蒸，蒸蛋好嫩滑又蛋香 ，加上不少配料，如冬茹同元贝等，更添鲜味！而主角寿司定食就有7件寿司同3件小卷，每一款都各具特色，店员先同我地逐一介绍，当中包括有牛鳅鱼、左口鱼、牡丹虾、中拖罗、深海池鱼，吞拿鱼蓉小卷，仲有一款比较印象深刻的吉备内子，个名好似日本人名咁😂，呢款系鹿儿岛特有，系一种银带鱼，鱼味较清淡，带点回甘。另外我至爱中拖罗，好肥美，油脂好香，牡丹虾亦好新鲜，好鲜甜🤩🍣豪华刺身定食 $298同样先上一碗茶碗蒸，刺身定食卖相好精致，包括有左口鱼、牡丹虾、中拖罗、深海池鱼同海海胆，再配上2款渍物同白饭，整体质素质素都不错，好新鲜！特别爱牡丹虾爽口弹牙，海胆味道香浓又鲜甜，仲有中拖罗好厚切又肥美，入口即融，正！最后仲有面面豉汤同甜品，今次嘅甜品系黄豆粉蕨饼每块蕨饼都沾上满满嘅黄豆粉，味道好香浓，蕨饼又软糯香甜，味道好好呢！