東羅 泰館 (已結業)

餐厅位于商场三楼平台，望出去风景开扬☀️里面的装潢同餐具亦具特色，以怀旧砖墙融合金属风🧱，仲有唔少打卡位。佢地除左提供传统泰国菜，亦有好多唔少新尝试，例如意粉、焗饭。我哋拣咗二人套餐，前菜主菜饮品通通都试晒~首先上菜嘅系肉碎冬瓜粉丝汤和冬阴功汤，细细杯但相当足料，冬阴功香料浓味郁好开胃。饮品方面我哋就嗌咗个雪条奶茶🍦雪条奶味重比较甜，可以按自己需要融系茶入面调味。🥗 泰北猪颈肉芒果沙律呢个沙律用青瓜同萝卜丝，加上酸醋酱汁爽口开胃，猪颈肉烤得好香而厚实，但整个沙律都食唔出芒果同芒果味，唔知系咪漏左~🥬 香叶肉碎磨菇沙律 配生菜肉碎配上蘑菇粒令到口感更加有咬口，香叶酱汁比较清新冇想像中咁浓味，比较健康轻盈。🐂🍜 烧牛肉。浓汁牛丸船河呢碗船河充满住牛肉香味，牛肉配搭牛丸呈现不同口感同肉味，汤汁浸满烧牛肉嘅精华，非常浓郁，但好快就畀啲面索咗，所以要衬早食。🍍🐖🍚 姜黄菠萝炒饭配手作猪肉串姜黄炒饭配上菠萝金灿灿咁，配料十足，有肉松、菠萝、提子干、腰果、红椒，配上嘅原个菠萝一样可以食，压出来的菠萝汁浸满炒饭，更加香甜入口。另外仲可以一次过试埋串烧。东罗泰馆 🍚🌶️🍜🥬观塘协和街33号裕民坊YM² 3楼