鋿晶館

营业中

休息中

朋友食过呢间餐厅唔错，所以就带我去试吓旺角分店，餐厅系自家制品牌，主打点心现场即点即做，听闻师傅做过米芝莲餐厅嘅主管等，所以经验好丰富。月半弯晶莹鲜虾饺(2只)皮薄唔黐牙，虾肉新鲜有咬口，好足料。鲍鱼北菇烧卖皇(2只)平时唔多钟意食肉肉烧卖嘅我都觉得好好食，推介要试，烧卖既肉好软滑带菇香，加埋只鲍鱼即刻感觉升级咗。川芎白芷天麻墩斑骨汤见到d配料真材实料，今日头重重，即刻叫反个，味道容易入口。雪山叉烧包一咬下去会爆汁，香软既包入面包有细叉烧肉粒仔，如果上皮更松脆会更正。翡翠炒安格斯牛肉菜心再配上爆炒得好有镬气既牛肉，肉肉软嫰又香口，好快就俾我地清碟。黄金焗中虾虾肉弹牙，虾头有膏，外壳有满满的黄金咸蛋黄，咸香提鲜。
百花炸酿蟹箝有3大粒，炸到金黄又香脆，热辣辣上枱，又有咬口，配埋甜酸汁，一粒都有d份量，好性价比。如果系旺角又想饮茶嘅话真系值得一试哩间，食物选择都好多，除咗点心又有小菜，炖汤，餐牌上仲有烤鱼火锅配料。