陵發潮州白粥 (已結業)

年尾当然系要办年货啦 喺太子买完一轮野都已经夜晚黑八点了 唯有上openrice睇下有啲咩可以医肚下昼食滞咗，都仲系胃顶顶，所以想睇下有冇一啲传统嘅粥店。见到openrice有好多哈哈笑，仲有好多正评赞依家潮州粥铺，所以谂都冇谂就去试啦开头以为系一啲好细嘅粥舖，去到先知道原来佢哋有三间铺，其实我都唔知道当中嘅分别，系咩净系知道好中间𠮶个应该系厨房，因为我见啲侍应喺𠮶度出菜。我哋两个人入咗去最左手边𠮶间铺入边嘅环境就好似平时啲打冷舖头，可以拣嘅送𩠌菜唔算多，我哋两个人就叫左一盘细嘅蚝仔粥，一叠卤水拼盘，一碟椒丝腐乳通菜。佢个粥系潮州粥，所以你会见到一粒粒嘅米粒，而蚝仔粥入边有葱 芫西 芹菜 蚝仔 肉碎同埋一啲好似鱿鱼干 ，芹菜同芫西味道好夹，仲可以将蚝仔嘅鲜味带出，蚝仔只只都好大件，绝对冇偷工减料，同埋佢个汤底辣辣地，既可以刺激味蕾又可以暖身。至于卤水拼盘可以拣三个𩠌，我哋就拣咗墨鱼 生肠 猪耳。猪耳系三个𩠌入边最入味几一个，淋淋嘅猪耳加埋有咬口嘅猪耳骨再配合特制嘅卤水汁，令人回味无穷😋。相对地墨鱼同生肠冇咁够味，不过唔紧要，如果大家食辣，可以点距佢供嘅辣椒油，辣椒油好似潮州辣椒油嘅味道