豚組 (已結業)

一知道旺角开左豚组就已经好想去试, 宣传单上睇到佢既lunch好平, 所以佢开左无耐之后某个星期六下午就去食la十二点多就黎到, 得一枱人食紧乍, 点解甘少人既?睇menu, lunch真系好抵食呢, 有d连埋加一都系六十零蚊, 不过唔包野饮的要左个吉列白豚定食, 一个吉列鸡扒定食, 再要多个杂锦三文治芝麻好快送上, 可以自己磨,几得意, 但磨左好耐先有个鸡扒定食黎~饮啖面豉汤, 无特别~ (真系未饮过可以叫做好饮既面豉汤, 如果有人知边度有得饮请告诉我!) 椰菜丝好多, 可以点柚子酱汁或者wasabi酱汁食, 前者好清新开胃, 后者就好惹味! 我两样都钟意! 拎黎捞饭食都ok ga!吉列鸡扒好好食, 好嫩滑! 白豚都唔错, 但有少少 “鞋”, 比起上黎鸡扒真系无得顶! 吉列杂锦三文治就好一般了, 比较好食既都系豚肉~ 呢个三文治大家可以唔驶叫!我几欣赏呢度既炸物, 唔会好油, 最重要既系皮同肉唔系分离, 非常好!服务都唔错,好有礼貌, 会好细心甘介绍食物同教你磨芝麻埋单个时都仲系无咩人食, 一半位都坐唔够, 不过可能个时开张无耐, 未有好多人知卦?门口个度有个外卖专柜, d价钱都好平