武士拉麵 (已結業)

好少行开呢边，今日老公喺尖沙咀呢头做嘢，大家都好攰又热，就喺附近揾一间填饱个肚，点知撞中左一间隐世小店，好有惊喜，要上黎赞下！先讲佢嘅豚肉，厚薄度啱啱好，最惊喜系个豚肉嘅边边系超脆，出面好多拉面系做唔到，呢下真系好惊喜，好正！而佢嘅面底系爽口嘅，好怕出面食到嘅黐立立感觉，喺呢度系冇嘅！而拉面个精华系喺个汤度，我叫嘅系「黑蒜油猪骨汤底」，之前食过出面嘅黑蒜油系超油，呢度系好香，冇一种食到你好腻个咀肥淋淋嘅感觉，感觉系啱啱好，亦无盖过猪骨嘅味，赞！而老公拣咗嘅系「酱油鱼介猪骨汤底」， 味道冇我呢个咁浓，但系鱼介味比较出好似我呢Ｄ三心两意又想试鱼介味，又想要黑蒜味，哈哈，舖头果然满足到港人多心嘅愿望，老细推荐饮完头淡汤之后可以加「武士店长」特制嘅鱼油，一次过满足选择困难嘅人类，哈哈哈！另外，叫左日式煎饺子，我本人系劲钟意煎到脆底嘅，呢道底脆内软，无得输～喂，误打误撞，比我发现到间隐世好野，正呀！要再黎呀！！虽然小店，都无乱黎，防疫措施都有提供！