Burgerman (欽州街) (已結業)

今日独自去嘉顿𠮶头做嘢， 做完谂住行落西九揾嘢食，行咗无几远就见到汉堡男，（Burgerman🤪)响大角嘴食过觉得几好食，于是就系度食，唔使再谂。店舖有几个吧枱位做堂食，陈设比较简约，有纸巾、方便手套提供，等候食物期间，见不停出外卖，睇嚟都几受街坊欢迎㖞。叫咗日式豚肉汉堡、洋葱圈、可乐。 好肥呀！🤣🤣日式豚肉汉堡$65加$28有洋葱圈、可乐。成块芝士溶晒响厚猪扒上面，有翡翠豆苗、洋葱、磨菇，咬落去猪扒软腍有咬口，有肉汁又有肉香，夹埋豆苗爽脆新鲜，好好食㖞。😋😋洋葱圈非常香脆，不过食完个包太饱喇，食唔晒。