豚豚食堂

营业中

休息中

经过呢间食堂好多次，今日就正式黎个食评。餐牌上嘅lunch set系最抵食。落单系用电话落单。如果午餐时间可以早啲到仲唔使排队。白豚拉面+吉列流心蛋猪肉饼：猪骨汤味唔算浓郁，但配菜充足。两块叉烧特别大，算系煮得比较熟冧。成碗面虽然冇灵魂流心蛋，但系胜在野菜充足蔬菜多到每一啖面都会有。至于吉列留心蛋猪肉饼，其实入面系比较多面粉。所以食落去感觉更加热气。猪肉饼整体非常厚实。加埋只蛋喺入面更加饱肚。招牌牛油拉面+自家制饺子：牛油其实放喺面上边未完全溶化。但我都几肯定汤入面都有少少牛油。因为汤入面有比较多嘅油镜。呢间舖头嘅叉烧都系一样大块。配菜来讲招牌牛油拉面系更加多。将个牛油揿落去拉面度睇住佢慢慢溶化系有种治愈感。饺子同出面嘅拉面店差唔多。都系有肉有菜配上佢嘅饺子酱汁。饺子煎得啱啱好。脆得来入面系软淋淋嘅肉。呢间拉面店嘅面，全部都系一样嘅软硬度。整体食上去比较软。lunch set唔贵，值得回头再食。