影片
更多
2014-05-13
1567 浏览
年初趁有个悠闲嘅星期六，同老婆嚟到海运嘅面屋武藏食晏。今次，又喺星期六，不过，唔喺食晏，而喺食晚饭，更唔喺悠闲，因为佢开完整日OT，所以先「专灯」出嚟一齐食餐好少少。晚市较多人，要轮5个筹，不过，都好快有位。但喺，就坐唔到对维港嘅窗口位，我哋志在食，又唔喺要晌度迆（hea嘅正字，最近睇报纸学识），所以，咩位都唔紧要。上次嚟，试过「蕃茄水牛芝士米纸卷」及「牛肉年糕卷」，又撞啱出咗款新拉面「二刀流拉面」，几样嘢都著实好食。今之又遇到有新拉面「豚骨鱼介酱油拉面」推出，贪新鲜当然要试吓。再加两款小食，及一个小碗炒饭，应该差不多。爆炸男爵沙律 $38第一次试嘅时候，觉得好得意，所以，今次叫嚟俾老婆一试。送到嚟，点解唔见咗只蛋嘅，追问侍应查个究竟，原来放咗晌下底，真喺奇怪，个卖相当堂普通晒。以沙律菜、青瓜丝、车厘茄为沙律底，配以柚子油醋汁，将所有材料捞匀即可，整体味道跟上次差唔多，入口清爽，又带有蛋黄嘅甜香，只喺，炸北海道男爵薯仔丝落得太少，卜卜脆嘅口感就差咗啲，层次未够丰富。明太子薯仔球 $38老婆一向好钟意食薯饼之类小食，所以，佢拣咗一客明太子薯仔球，可惜，对佢嚟讲都几失望，因为唔喺印象中嘅薯
晚市较多人，要轮5个筹，不过，都好快有位。但喺，就坐唔到对维港嘅窗口位，我哋志在食，又唔喺要晌度迆（hea嘅正字，最近睇报纸学识），所以，咩位都唔紧要。
上次嚟，试过「蕃茄水牛芝士米纸卷」及「牛肉年糕卷」，又撞啱出咗款新拉面「二刀流拉面」，几样嘢都著实好食。今之又遇到有新拉面「豚骨鱼介酱油拉面」推出，贪新鲜当然要试吓。再加两款小食，及一个小碗炒饭，应该差不多。
爆炸男爵沙律 $38第一次试嘅时候，觉得好得意，所以，今次叫嚟俾老婆一试。送到嚟，点解唔见咗只蛋嘅，追问侍应查个究竟，原来放咗晌下底，真喺奇怪，个卖相当堂普通晒。以沙律菜、青瓜丝、车厘茄为沙律底，配以柚子油醋汁，将所有材料捞匀即可，整体味道跟上次差唔多，入口清爽，又带有蛋黄嘅甜香，只喺，炸北海道男爵薯仔丝落得太少，卜卜脆嘅口感就差咗啲，层次未够丰富。
明太子薯仔球 $38老婆一向好钟意食薯饼之类小食，所以，佢拣咗一客明太子薯仔球，可惜，对佢嚟讲都几失望，因为唔喺印象中嘅薯饼𠮶种质感。一客3球炸得金黄嘅明太子薯仔球，外层沾满面包糠炸，咬落非常脆口甘香，不过，内里质感颇为削身，比薯蓉仲要削，味道有点点辣，小弟就认为唔算太好食。题外话，用个不锈钢兜作为盛器，极之样衰。
豚骨鱼介酱油拉面 $80侍应介绍话依个喺人气限定产品，今次喺载誉归来㖞，不过，见佢写住「每日限定发售50碗」，我就觉得喺卓头嘢啫。讲番个面，较上次个「二刀流」，𩠌料就显得有啲失色，除水准依然嘅溏心蛋、笋干、葱花之外，就只有配上一大片叉烧，叉烧少肥而松化。面条直身耐浸，食到尾都仍有一定柔韧度，面质带爽。然而，整碗面最大亮点，其实喺个汤底，猪骨汤加入几款鱼干及日本酱油熬煮成，再额外多加鱼介粉，集浓鲜香于一身，啖啖精华，所以……一于饮胜！
高菜叉烧小碗炒饭 $25细细碗又几好㖞，等人试多少少小食，又有饭垫肚而唔会食得太饱。个炒饭炒得够干身，饭粒分明，又有好多野菜：紫菜碎、甘笋粒、洋葱粒、菌粒，再加埋叉烧粒，口感丰富。
除咗个「明太子薯仔球」唔啱口味之外，其他3样嘢食都属水准中上，不过，始终有一样嘢唔好食，所以，今次觉得只可以俾个OK佢好嘞。
张贴
