上品火鍋料理 (已結業)

今晚食打边炉喇，同妈咪庆生梗系要围埋1枱啦，今次又发现到超正汤底打边炉喇，之前食过几次手工火锅聚，佢地既鱼汤汤底一样咁正，未渌野已经饮左2碗汤喇，呢次椰子花甲膏蟹汤底 198蚊 超大锅，有大量秀珍菇粟米，落埋海鲜好甜，加20蚊仲可以加原汤，唔会落清汤沟淡哂，正。头盘金砖豆腐$58够哂松脆，特点是平时会切到细细粒，呢度就大大条，可以食到豆腐香滑质感。新张刺身并盘做半价 $220 就食到，有象拔蚌，三文鱼，泰式生虾，大甜虾，北寄贝，鲍鱼，带子。最正系象拔蚌，鲜甜爽脆，推介! 安哥左个特价例牌都系$194，满足。火锅料推介肥美的9肚鱼，即炸响铃，同流心墨鱼丸，弹牙墨鱼入面有蛋黄流出黎，小心胆固醇爆升，牛肉并盘可以试足咁多款牛，家人钟意多样式，如果我会建议问问店员，选择喜欢的口感再拣最想食既2款做双并。食饱仲送甜品椰汁糕，仲有70蚊优惠券下次用。