象泰 (已結業)

自从雅都开咗Food Court 后，睇完戏都唔洗突登行返去商场揾嘢食。第二次嚟到象泰，自己餐厅空间始终坐得舒服啲，唔怕有人搭枱。次次食泰菜都会嗌份生菜包代替主食，用生菜嚟搭配肉类，比起饭面更高纤有营，轻盈啲又无咁饱滞。猪颈肉切成幼条，脂肪比例多，口感比较弹嫩；加入干葱、香叶、辣椒拌炒，味道酸辣偏咸，夹入清爽嘅生菜中正好中和返，加埋里面啲辣椒籽食落卜卜脆几有口感。米纸卷皮薄剔透，一客有六件，包入切丝萝卜、粉丝、青瓜、生菜、鲜虾同扎肉片，馅料饱满，清新又不乏饱足感。蘸上伴碟嘅特制酱料，味道有啲似烧鸭嘅酸甜酱，令口味增添一点清甜，更惹味开胃。蚝仔蛋煎好再放上铁板，铁板属于装饰，无煮食或加热作用同预期中嘅jarjar声有啲落差。蛋应该无加入面粉，食落滑嫩、充满蛋香；蚝仔够大只厚肉，虽然有几只有啲腥、又有几只腌唔匀好咸，但个蛋嘅口感正合我意，加返分泰菜特色名菜之一——咖哩面包盒，搭口味正宗嘅青咖喱，味道带辣，几香口。配料多到满泻呢度嘅咖喱鸡选用鸡件部位，带骨，中意吮骨嘅人会buy，但个人喜好鸡脾位多啲。次次行完街睇完戏太阳都落山，见佢午市下午茶set都几抵食，下次如果早啲过嚟可以试吓