影片
更多
2010-09-21
122 浏览
见到杂志介绍喜来登蚝吧嘅超豪自助早午餐，所以立即决定要同猪仔一齐试试，因为我哋两个都系爱蚝之人！早咗少少到，不过唔紧要，侍应好有礼貌咁请我哋稍候一阵。不久，侍应端上面包，但系即使面包几好食都好，我哋都唔能够食得多，因为要留肚食生蚝嘛！开始时，我同猪仔分头行事，我去攞生蚝，佢就去攞刺身。是日嘅生蚝有五款，三款来自美国，其余两款来自澳洲，分别为：Eld Inlet (USA)、Barron Point (USA)、Eagle Rock (USA)、Port Douglass (Australia)同埋Tasmania Pacific (Australia)。先讲刺身，品质新鲜，吞拿鱼刺身入口即溶，而油甘鱼嘅甘味亦都非常强烈。相当靓嘅刺身，可惜嚟呢度主打唔系佢！唯一唔好嘅就系wasabi同豉油嘅摆放令到客人好唔就手，所以希望酒店可以作出改善。至于生蚝，一食落去，好明显食得出澳洲蚝同美国蚝嘅分别，大致嚟讲澳洲嘅会比较重海水味，而美国嘅就比较creamy。而我哋对每种蚝嘅评价详见下文：- Eld Inlet (USA)：淡淡海水味、较creamy、味道浓郁、带甜味，而且有少少浆口
早咗少少到，不过唔紧要，侍应好有礼貌咁请我哋稍候一阵。不久，侍应端上面包，但系即使面包几好食都好，我哋都唔能够食得多，因为要留肚食生蚝嘛！
开始时，我同猪仔分头行事，我去攞生蚝，佢就去攞刺身。是日嘅生蚝有五款，三款来自美国，其余两款来自澳洲，分别为：Eld Inlet (USA)、Barron Point (USA)、Eagle Rock (USA)、Port Douglass (Australia)同埋Tasmania Pacific (Australia)。
先讲刺身，品质新鲜，吞拿鱼刺身入口即溶，而油甘鱼嘅甘味亦都非常强烈。相当靓嘅刺身，可惜嚟呢度主打唔系佢！唯一唔好嘅就系wasabi同豉油嘅摆放令到客人好唔就手，所以希望酒店可以作出改善。
至于生蚝，一食落去，好明显食得出澳洲蚝同美国蚝嘅分别，大致嚟讲澳洲嘅会比较重海水味，而美国嘅就比较creamy。而我哋对每种蚝嘅评价详见下文：
- Eld Inlet (USA)：淡淡海水味、较creamy、味道浓郁、带甜味，而且有少少浆口
- Barron Point (USA)：Creamy得嚟亦有啲啲海水味
- Eagle Rock (USA)：真正见识到乜嘢系creamy，因为呢种蚝系最creamy嘅一种，食 落仲有轻微鐡味
- Port Douglass (Australia)：有少少咸味、较爽口、味道鲜且有海水味
- Tasmania Pacific (Australia)：最劲海水味，鐡味也较重
除此之外，我哋仲order咗龙虾汤伴鲜虾云吞。龙虾汤用料好坚，味道好浓，亦都好少见到咁大粒云吞，用嚟包云吞嘅虾好靓，好鲜味！另外，我哋亦都叫咗几round嘅鹅肝，鹅肝本身好靓，可以做到入口即溶，但略嫌煎得个皮唔够脆，如果再脆啲会更加香！
食咗咁耐，终于轮到主菜羊架出场，喺无特别吩咐嘅情况下，送嚟嘅羊架嘅生熟程度竟然可以啱啱好，好鲜嫩，一啲都唔鞋口，绝对系控制得好好，羊架嘅味道亦都好出。值得一提嘅系伴羊架嘅薯蓉都做得相当出息，有牛油味得嚟又唔会好肥，最衰已经食到饱一饱，所以想叫多一份都唔可以。
甜品方面，唔算好多选择，梳乎里可以有四款味道：Vanilla、Grand Marnier、Kahlua同Ginger味，各有特式。但一定要推介嘅就系棉花糖，因为系细细个好钟意食嘅嘢，但系大咗又唔会有好多地方有得食，难得喺呢度可以无限order，梗系要食番够！
特别推介选择饮香槟个package，因为呢度系用Piper-Heidsieck Champagne，超易入口兼且仲要系超靓嘅货色，所以饮到的话，饮多嘅杯一定可以回本！此外，呢度供应嘅红、白酒亦算不俗。
呢度所有侍应嘅服务都好好，食物亦都好吸引，所以虽然唔系成个价钱都有折(只有食物𠮶$300有折，而另外归饮品嘅$328则无折)，但系都食得好畅快！如果枱与枱之间嘅距离可以再阔啲就好喇！因为坐落都比较迫，而且会嘈咗少少！
张贴
