興記

营业中

休息中

今天本来想食隔离间野，但无开。行行下唔知食乜比阿姐叫左埋去，话$35蚊有野饮。不嬲价钱都唔系我首选，平通常都无好。贵也不一定好。见唔知食乜之下就坐底左。望望墙上啲牌看看有咩好食，死，原来个牌唔系佢地。望返佢个餐牌，啲野食好似伏伏地，争啲想起身走，因为只系果啲汁饭。咖哩呀，粟米汁呀果啲。唔系正常既中式饭。见到唯一我会食既炒粉面。夏门炒米。心谂算啦好又一餐唔好又一餐。是旦食完返去做野。黎到。哗吓。啲料足到飞起。有叉烧炒蛋、芽菜、味菜、洋葱、黄椒、聪、辣椒、火腿。味道层次完全系高过其他茶记几班。啲蛋炒得好香。又够火喉。绝对上乘。同埋叫左杯茶走。未食野已经比我饮哂。有茶味，唔涩，够滑，易入口。埋单只系$35姐。无得输呀。点都要哂啲时间写个食评支持下小店。