麻布茶房 (已結業)

将军澳虽然大都系商场，但系识得揾，都食到连锁集团以外嘅好嘢食，今日就嚟咗Popcorn商场食咗个高质日式定食。Menu有好多页，真系花多眼乱。见餐厅特别推出左豪华午市定食，就一于试吓盐烧三文鱼定食，成个餐$118，配汤同前菜，附送咖啡或茶，仲免费送三色甘味甜品🍮。三文鱼好大条，成只手板咁长，厚差不多2cm。外皮煎得好香脆，特别系三文鱼表皮连脂肪嘅一层，食落口好甘香，三文鱼味突出，而且肉质鲜嫩，证明烹调时间调校得准确。不过有啲令人失望嘅系面豉汤，成个汤只系得轻微嘅咸味，里边有非常少蛋丝，味道十分单调...另外叫咗一个白玉霜淇淋蜜豆沙，旁边有一小瓶黑糖可以自己添加。虽然雪糕溶得好快，同埋偏甜，但配料丰富，里面有杏脯肉、豆沙、蕨饼、白玉、同埋爽脆嘅啫喱，整体口感和味道不错，不过份量多啲就好了。