一君士多 (已結業)

唔知大家对邓一君有咩印象呢？我细细个时有睇过佢嘅电视剧，但记忆都好模糊喇。今日就黎咗佢开嘅餐厅，一君士多食饭，虽然叫做士多，但其实卖嘅有车仔面，日式咖哩饭，特色炸物等。当然顺便希望睇下见唔见到邓生或者俊男古天乐先生啦!铺头唔太大，但走日式简约风，灯光明亮，坐得舒适。我地今日就叫咗霸王面，有小鲍鱼，花胶，广岛蚝，花菇，以前车仔面系平民小食，呢个根本系豪华升级版，花胶炆得够淋，食落觉得好滑同滋润，广岛蚝煮得啱啱好唔会过老，好嫩滑，鲍鱼仔细细粒, 过下口瘾。另外仲叫咗几个炸嘅小食，炸猪手，入味肉嫩，但要趁热食，摆耐咗d油会标晒出黎。炸鹌𪂹蛋上面洒咗少少调味粉，简单又好味个人同朋友觉得蘑菇鸡翼唔太啱口味，似乎系用咗偏甜嘅cream cheese，如果用咸嘅会好d。当然没有遇上古先生, 但果然如杂志所讲, 遇到两枱游客呀!