竹家莊

营业中

休息中

同一大班朋友睇完戏肚饿揾宵嘢食，朋友介绍佐敦一间食中菜的，我未食过一于试吓，门口有不少泊车表位，自己揸车嚟都几方便，店舖尚算大，除咗正常三四人枱之外，有一两张大枱可以容纳一group人黎食。一坐低直接嗌左六小福前菜，分别系白灼猪脷、白灼海蜇、白灼大鱿鱼、白灼猪肚、白灼韭菜花、白灼粉肠。全部都好好食，本人尤其喜欢白灼海蜇，非常爽口，因为白灼嘅关系保留晒佢原有嘅鲜味，沾上佢附带嘅海鲜酱同辣椒酱，十级推荐。之后再叫咗白灼花螺，啲螺非常甜有鲜味，唔算细只。进入主菜部份，分别叫咗清蒸泥鯭同避风塘炒蟹，先讲泥鯭先，相信唔系太多餐厅有得食，我都系第一次食，原来条鱼咁细但系都好多肉，不过比较多骨食嘅时候要小心，但系啲果皮未入晒鱼肉里面，非常唔错。个避风塘炒蟹都系好出色，佢虽然味道好浓烈，但系仍然可以保留蟹既鲜甜味，肉质非常鲜嫩，配埋避风塘又香又辣嘅味道，无懈可击。当然价钱唔算平，但系一分钱一分货，钟意食海鲜嘅朋友唔可以放过。