神石燒牛扒專門店 (碧街) (已結業)

今日嘅午餐味道公司附近嘅神石烧食烧肉，午餐食烧肉真系豪华，但都要奖励一下自己。而且餐厅做紧周年限定半价优惠，$64一份一人火山石烧美国牛肉烧肉盛合。一份午餐里面有沙律，烧肉，珍珠饭和汤，真系豪华得来又好抵食。一个盛盒入边有以下三款牛肉部位：1美国安格斯牛肉🏮🏮🏮🏮🏮🏮呢个当然系最正，安格斯牛肉味浓郁，肉质结实，瘦肉嘅比例比脂肪多，就算食多啲都唔怕肥。食落去鲜甜又多汁，一啖肉配一啖珍珠米非常惹味。2.美国特级牛五花🏮🏮🏮🏮🏮🏮系入口即溶嘅感觉，油脂比较多，味道亦比较香，如果惊油腻感太重的话可以配新鲜沙律一齐食，清爽得黎令肉嘅味道紧鲜甜，仲有效减低油腻感。3.薄切葱花牛舌🏮🏮🏮🏮🏮牛舌配葱花，简直系绝佳嘅配搭，牛舌浓郁嘅鲜味同清新嘅葱花香味喺口腔到散发，又香又丰富，烧到牛舌微微焦香，外面焦脆地入边肉质弹牙，口感好丰富。