築地‧山貴水產市場 (已結業)

今日一个人特登去左筑地食晚餐！湾仔筑地，当时开业人山人海，隔左咁长时间今晚黎到依度依旧人流无减！日本筑地关门，转地点变左沣洲水产，我一直都好想去试下，今晚就去左香港筑地过下口瘾先啦！场内分左好多唔同区域，有浜烧、有寿司、有拉面等等，天气开始冻冰冰，我就去左拉面区食碗热辣辣拉面啦！山贵特选拉面，大大碗足够两个人食啦！材料并不普通，有龙虾、日本北海道鳕场蟹脚、鱿鱼，由日本直送够哂有诚意！龙虾大大只好霸气，入口非常鲜甜鲜嫩，爽口弹牙，鲜味浓郁！仲有龙虾膏够哂惊喜，汤底咸香唔会过于浓，唔会抢左海鲜鲜味！拉面弹牙非常有面粉香味，挂汤力非常高，每一口都好滋味！场内人山人海，食碗拉面都好有气氛啊！下次我会再黎试下场内其他区域既食物，特别对寿司区好有兴趣呀！