花木日本料理 (已結業)

朋友生日,识做既我当然要请佢食餐好架啦!我上OPENRICE揾到呢间餐厅,见到佢劲似日本,食材都好精心就BOOK左呢间餐厅啦!见个矶煮鲍鱼平平地,好抵食就叫左啦!只系一只,但个PLATING超级靓,连点缀既前菜都好好味!我地想食D特别野,就叫左轻烧和牛配酸汁,和牛烧到2至3成熟,底下有好多酸酸味味既洋葱,面头有D CARROT PUREE,超好食。沙律就叫左香草鸡胸什菜沙律,个沙律加左酸酸甜甜既酱,清新又唔腻,仲好开胃添呀!香草鸡胸既CALORIE相对较低,岩晒中意轻盈既我地。中意食蟹既我地仲叫左盐烧鳕场蟹脚,盐烧既方式带出左蟹既鲜味,鳕场蟹脚本身就好多肉有结实,只系个蟹脚已令我大满足。想食D炸野,就叫左白子天妇罗,系鱼既精子炸成,好补身架听闻。食左好多样野,但冇饭就差咁D咁,就叫左个花木玉子烧军舰同海鳗寿司,海鳗寿司有油光,厚肉,完全冇烧焦,肉好入味,玉子就面头同底都有一块,好有心意。大爱呢度既摆设同装修,有唔同既AREA,仲有樱花既摆设添,真系有一刻以为自己去左日本添。